Kölsche Fassung
Jeder es ’ne Fan
Mir Kölsche dun gään laache,
ööntlich Wetze maache.
Mänche sin en ’em Verein.
Mer dun uns engagiere,
mer dun uns amüsiere.
Do süht mer, mir sin gar nit gään allein !
Als Fan sin mir fanatisch,
doch nit esu dramatisch,
dat dat Kommer maache deit.
Dröm freue sich och aadig,
wä singe eige Fanclub hät.
Jeder es ’ne Fan vun dit ov vun dat,
mir Kölsche han esu gään
uns Sproch un och uns Stadt.
Denn Kölsche Eigenaat
es uns doch su vertraut,
hee weed zweidausend Johr
op Kölsch Kultor gebaut.
Mir Fans dun ungerstötze
dun Kölsche Aat beschötze.
Dat mäht uns nevvenbei noch Spass.
Als Fan muss mer sich zaue,
bes de Hoor ergraue.
Mer helfe wo mer künne
ohne Rauh un Rass.
Mir sin als Fans ze priese,
denn mir han die Devise,
mer wolle maache alles schön un god.
Un han mer ens en Krise
maache mir uns gägesiggig Mod.
Hochdeutsche Fassung
Jeder ist ein Fan
Wir Kölner lachen gerne,
machen ordentlich Witze.
Manche sind in einem Verein.
Wir engagieren uns,
wir amüsieren uns.
Da sieht man, wir sind gar nicht gern allein!
Als Fan sind wir fanatisch,
doch nicht so dramatisch,
dass das Kummer macht.
Darum freue sich auch artig,
wer seinen eigenen Fanclub hat.
Jeder ist ein Fan von diesem oder jenem,
wir Kölner haben so gerne
unsere Sprache und auch unsere Stadt.
Denn kölsche Eigenart
ist uns doch so vertraut,
hier wird zweitausend Jahre
auf kölsche Kultur gebaut.
Wir Fans unterstützen,
beschützen kölsche Eigenart.
Das macht uns nebenbei noch Spaß.
Als Fan muss man sich beeilen,
bis die Haare ergrauen.
Wir helfen, wo wir können,
ohne Ruhe und Rast.
Wir sind als Fans zu preisen,
denn wir haben die Devise,
wir wollen alles schön und gut machen.
Und haben wir mal eine Krise,
machen wir uns gegenseitig Mut.
Die hochdeutsche Fassung mit freundlicher Genehmigung der Akademie för uns kölsche Sproch inkl. Änderungen durch den Autor.