Kölsch Hännesche

Kölsche Fassung

Kölsch Hännesche

Kölsch Hännesche -
Do Quos wees niemols Huhdeutsch kalle.
Kölsch Hännesche - do deis uns grad doröm gefalle.
Kölsch es ding Muttersproch.
Domet kanns do su sillig levve.
Kölsch es ding Sproch.
Die liet och uns Hätze bevve.

En Kölle ganz bekannt es e Theater,
interessanter wie en Alma Mater.
Poppe sin do de Akteure,
Poppespiller de Jongleure.
Op der Bühn sin all die Poppe wendig,
de Poppespiller maache se lebendig.
Kölsch Hännesche su heiß dä Lade.
Et Hännesche weed op üch waade.
Wollt ehr ens hüre Kölsche Klaaf !

Et Hännesche dat es e löstig Pöppche.
Die Haupfigur beim Kölsch-Theater-Trüppche.
Sigg üvver zweimol hundert Johre
deit et sich op der Bühn römploge.
Jeder weiß, dat es e Holzfigürche,
doch nirgends süht mer
an der Popp e Schnürche.
Et deit springe, danze, schwaade.
Schleiht öm de Lappe mänche Krade,
un dat em echte Kölsche Klaaf !

En Knollendorf dun all die Stöckcher spille.
Et Dreikünningepöözche mäht do die Idylle.
Do levve all die Charaktere,
die do mem Hännesche verkehre.
Et Bärbelche, dat es si lecker Mädche.
Die Zänkmanns Kätt driht öfters ens am Rädche.
Der Tünnes leev, dä Schäl es lestig.
Speimanes miestens optimistisch.
Do künnt ehr hüre Kölsche Klaaf!

Hochdeutsche Fassung

Kölsches Hänneschen

Kölsches Hänneschen -
Du Lausbube wirst niemals hochdeutsch reden.
Kölsches Hänneschen - gerade darum gefällst du uns.
Kölsch ist deine Muttersprache.
Damit kannst du selig leben.
Kölsch ist deine Sprache.
Die lässt auch unsere Herzen beben.

In Köln ganz bekannt ist ein Theater,
interessanter als eine Alma Mater.
Puppen sind da die Akteure,
Puppenspieler sind Jongleure.
Auf der Bühne sind alle Puppen wendig,
die Puppenspieler machen sie lebendig.
Kölsches Hänneschen, so heißt der Laden.
Das Hänneschen wird auf euch warten.
Wollt ihr mal hören kölsche Mundart!

Das Hänneschen, das ist ein lustiges Püppchen.
Die Hauptfigur beim Kölsch-Theater-Trüppchen.
Seit über zweimal hundert Jahren
tut er sich auf der Bühne rumplagen.
Jeder weiß, das ist ein Holzfigürchen,
doch nirgends sieht man
an der Puppe ein Schnürchen.
Es springt, tanzt, erzählt.
Verprügelt manche ungehobelten Menschen,
und das in echter kölscher Mundart.

In Knollendorf spielen all die Stückchen.
Das Dreikönigstörchen macht da die Idylle.
Da leben all die Charaktere,
die da mit dem Hannes verkehren.
Das Bärbelchen¹, das ist sein hübsches Mädchen.
Zänkmanns Kätt¹ dreht öfter mal am Rädchen.
Der Tünnes¹ lieb, der Schäl¹ ist listig.
Speimanes¹ meistens optimistisch.
Da könnt ihr hören kölsche Mundart.


1) Barbara, Katharina Zänkmann, Anton, Schäl, Hermann Speichel

Die hochdeutsche Fassung mit freundlicher Genehmigung der Akademie för uns kölsche Sproch inkl. Änderungen durch den Autor.