Kölsche Fassung
Sag verzäll ens
Sag, verzäll ens üvver Kölle.
Us ’nem Sprochschatz, treu verwahrt.
Sag, verzäll ens üvver Kölle.
Un sing Eigenaat.
Wä kennt dann all die Name
vun dä Deechter hee am Rhing ?
Leeder, Rüümcher, Drame,
All dat krähte die god hin.
Mir nenne üch die Quelle,
wo dit un dat steiht dren.
Däm Berchem si “Alt-Kölle“,
wat kunnt dat Huus, wat kunnt die Gass
uns nit all verzälle.
Dem Ostermann, däm mäht et Spass,
dat mer sich ens flöck blameet,
wa’mer vürnähm weed.
’Ne Vatter met zwei Junge
- der Räderscheidt verzallt -
han nit Schlof gefunge,
dann et hät jo ärg geknallt.
Dä Schneider-Clauß, hä denk ald dran:
Der Fastelovend kütt eran.
Sag, verzäll ens üvver Kölle.
Un sing Eigenaat.
Hochdeutsche Fassung
Sag, erzähl mal
Sag, erzähle mal über Köln.
Aus einem Sprachschatz, treu verwahrt.
Sag, erzähle mal über Köln.
Und seine Eigenart.
Wer kennt denn all die Namen
von den Dichtern hier am Rhein?
Lieder, Gedichte, Dramen,
all das bekamen die gut hin.
Wir nennen euch die Quellen,
wo dies und das steht drin.
Berchems "Alt-Köln",
was konnte das Haus, was konnte die Gasse
uns nicht alles erzählen.
Ostermann, dem machte es Spaß,
dass man sich mal schnell blamiert,
wenn man vornehm wird.
Ein Vater mit zwei Jungen
- Räderscheidt erzählt -
haben keinen Schlaf gefunden,
denn es hat ja arg geknallt.
Schneider-Clauß, er denkt schon dran:
Der Karneval kommt heran.
Sage, erzähle mal über Köln.
Und seine Eigenart.
Die hochdeutsche Fassung mit freundlicher Genehmigung der Akademie för uns kölsche Sproch