Kölsche Fassung
Bes uns gegröß!
Et wor vör ungefähr 2000 Johr’
’ne kleine Stropp domols gebore woodt.
Un wat mer säht, es ganz bestemmp och wohr,
hä wor zwor ärm, ävver vun hüchstem Blod.
Do log hä ganz fing em Stall en Bethlehem,
Döcher un Struh heeldte en wärm.
Et Marie un der Jupp, die sochen noh em,
die Heete, die kome, mahte jet Lärm.
Bes uns gegröß, hellige Panz !
Bes uns gegröß, sillige Stund !
Bes uns gegröß, en dingem Glanz !
Mer waade ald drop, wat do uns deis kund.
Ganz wigg vun Bethelehem, em Morgeland,
do fing am Himmel ’ne Stään zo leuchte aan.
Dä wor ganz neu – keinem wor dä bekannt.
Drei Künninge flöck studeete sing Bahn.
Der Kaspar, Melchior un Balthasar
mahten sich op un folgten däm Stään.
Se kome met Pääd, Kamel un Dromedar.
Se brahten vill Gave met us der Fään.
Et gov och ’ne Künning en Jerusalem.
Dä wor ’ne Lump, ganz falsch un esu schlääch.
Hä wollt dä Stropp em Stall en Bethlehem
fange un mööde, wann hä en bloß kräg.
Herodes, su heeß hä, litt große Nud.
Angs hatt hä esu ärg öm sing Künningsmaach.
Im woodt verzallt, dat ene kleine Puut,
wör dä neue Künning un köm met vill Praach.
Marie, dä Jupp un dä kleine Stropp
verdröckte sich höösch, et wor nit zo späd.
Se jöckte ganz flöck noh Ägypten erop,
’ne sechere Platz för die drei op der Ääd.
Herodes baal storv un se kunnte zoröck.
En Nazareth dä Klein dann groß weede kunnt.
Em Senn hatt hä nor de Minsche ehr Glöck.
Hä schloss för uns mem Himmel ’ne Bund.
Hochdeutsche Fassung
Sei uns gegrüßt!
Es war vor ungefähr 2000 Jahren,
ein kleiner Junge wurde damals geboren.
Und was man sagt, ist ganz bestimmt auch wahr,
er war zwar arm, aber von höchstem Blut.
Da lag er ganz fein im Stall in Bethlehem,
Tücher und Stroh hielten ihn warm.
Marie und Josef sahen nach ihm,
die Hirten, die kamen, machten etwas Lärm.
Sei uns gegrüßt, heiliges Kind!
Sei uns gegrüßt, selige Stunde!
Sei uns gegrüßt in deinem Glanz!
Wir warten schon darauf, was du uns kundtust.
Ganz weit von Bethlehem, im Morgenland,
da fing im Himmel ein Stern zu leuchten an.
Der war ganz neu - keinem war der bekannt.
Drei Könige studierten schnell seine Bahn.
Kaspar, Melchior und Balthasar
machten sich auf und folgten dem Stern.
Sie kamen mit Pferd, Kamel und Dromedar.
Sie brachten viele Gaben mit aus der Ferne.
Es gab auch einen König in Jerusalem.
Der war ein Lump, ganz falsch und so schlecht.
Der wollte das Kind im Stall in Bethlehem
fangen und ermorden, wenn er ihn bloß bekäme.
Herodes, so hieß er, litt große Not.
Angst hatte er so sehr um seine Königsmacht.
Ihm wurde erzählt, dass ein kleines Kind,
der neue König wäre und mit viel Pracht käme.
Marie, Josef und das kleine Kind
verdrückten sich heimlich, es war nicht zu spät.
Sie eilten ganz schnell nach Ägypten hinauf,
ein sicherer Platz für die drei auf der Erde.
Herodes starb bald und sie konnten zurück.
In Nazareth konnte der Kleine dann groß werden.
Im Sinn hatte er nur das Glück der Menschen.
Er schloss für uns mit dem Himmel einen Bund.
Die hochdeutsche Fassung mit freundlicher Genehmigung der Akademie för uns kölsche Sproch inkl. Änderungen durch den Autor.