Kölsche Fassung
Kölle, do deis mir fähle
Wann ich su durch mi Kölle schröme,
weede all die Belder waach.
Kann et sin, dat ich ald dräume.
Un dat ald an enem hell-leechten Dag.
Do es die Schull, wo ich mich plogte,
ming eetste Ress gekräht.
Die Eck, aan der mi Leevche frogte,
ov ich et ens bütze dät.
Ich wor off fott us minger Stadt
han vill dobei gesinn.
Doch all dat, wat mi Kölle hatt,
trok mich hee widder hin.
Kölle, do deis mer fähle,
wann ich nit noh dir ben.
Kölle, do kanns op mich zälle,
do geihs mer nit mih us em Senn.
Im Spidol do deit ich waade,
bes die Hevvamm kom erus.
Ich han ming Fründe ingelade,
et Levve kom doch noch god en Fluss.
Do es die Kirch, wo ich mich traute.
Ich hätt et besser nit gedon.
Doröm ich och su flöck ergraute,
doch för mich schung immer de Sonn.
Ich wor off fott us minger Stadt
han vill dobei gesinn.
Doch all dat, wat mi Kölle hatt,
trok mich hee widder hin.
Kölle, do deis mir fähle ... Hochdeutsche Fassung
Köln du fehlst mir
Wenn ich so durch mein Köln eile,
werden all die Bilder wach.
Kann es sein, dass ich schon träume.
Und das schon am helllichten Tag.
Da ist die Schule, wo ich mich abmühte,
meine ersten Prügel bekam.
Die Ecke, an der mein Liebchen fragte,
ob ich es mal küssen würde.
Ich war oft fort aus meiner Stadt,
habe viel dabei gesehen.
Doch alles das, was mein Köln hatte,
zog mich hier wieder hin.
Köln, du fehlst mir,
wenn ich nicht nah bei dir bin.
Köln, du kannst auf mich zählen,
du gehst mir nicht mehr aus dem Sinn.
Im Spital da wartete ich,
bis die Hebamme heraus kam.
Ich habe meine Freunde eingeladen,
das Leben kam doch noch gut in Fluss.
Da ist die Kirche, wo ich mich traute.
Ich hätte es besser nicht getan.
Darum ich auch so schnell ergraute,
doch für mich schien immer die Sonne.
Ich war oft fort aus meiner Stadt
habe viel dabei gesehen.
Doch alles das, was mein Köln hatte,
zog mich hier wieder hin.
Köln, du fehlst mir ... Die hochdeutsche Fassung mit freundlicher Genehmigung der Akademie för uns kölsche Sproch inkl. Änderungen durch den Autor.