Alaaf, Ehr kölsche Jecke

Wööd un Tön: Hans-Jürgen Jansen

Kölsche Fassung

Alaaf, Ehr kölsche Jecke

Alaaf, Ehr kölsche Jecke,
Alaaf, kutt hingerher!
Als ’echte Kölsche’ trecke
Mer durch dä Fasteleer.
Mir sin ech kölsche Fente,
Die gitt et hee jo noch!
Mir läge die Akzente
Och op uns kölsche Sproch.
Alaaf, Ehr kölsche Jecke,
Alaaf, kutt hingerher!

Mir han uns Eigenaat behalde
Üvver all die Johr’.
Uns Wappe, dat bliev ohne Falde
Genau su wie et wor.
Mänch neue Saache bränge mir
Gään en der Fasteleer.
Mir han su vill noch em Visier,
Doch nor mem kölsche Flair.

Als ’echte Kölsche’ trecke mir
Su gään ens durch uns Stadt.
Et es för uns en große Ihr
Dat weede mer nie satt.
Dann echte Kölsche sin su jeck
Dat kann nor dä verstonn,
Dä hät et Hätz om räächte Fleck.
Dä muss och met uns gonn!



Impressum
Kontakt