Kölsche Fassung
Anno, halt!Anno, halt! Wat häs de do bloß aangestallt!?
Do nohms däm Angenies met Gewalt
Singe kleine Heinrich fott.
Anno, sag! Wat häs de dir do usgedaach!?
Et ging dir nor öm noch mih Maach.
Dä Plan wor e Komplott.
Em Rich gov et ärg Zänkerei
Knaatsch un och vill Kabbelei,
Weil dat Angenies wor ze schwach
Un dä Kaiser nor e Blag.
(Hatts do ’ne Plan.)
Dausendzweiunsechzig dann,
Jo, do wors ’ne schlaue Mann,
Fohts do dä Heinrich op di Scheff.
Noch bevür dat Kind begreff.
(Wor et ze späd.)
No Kölle häs de ’n flöck gebraht.
Üvvernohms de Maach em Staat.
Ovschöns dä Hein dä Künning blevv,
Spilltes do doch gään der Chef.
(Doch nit ärg lang.)
Wie dem Heinrich späder dann,
Volljöhrig als ’ne junge Mann
Woodt gezollt gerääch Tribut,
Wollt hä em Hass dich haue dud.
(Doch do hatts Glöck.)