Kölsche Fassung
De fünfte Johreszigg
En der fünfte Johreszigg blöht Kölle op.
De fünfte Johreszigg stellt alles op der Kopp.
Dat es en Kölle ald zick langem klor.
Dat ging loss för fass zweihundert Johr.
Dat es zick däm en Kölle jedem klor,
dodrop waade mir et ganze Johr.
1823 ging der eetste Maskezog.
Usgedaach hatt sich dat Spillche
Häär vun Wittgenstein ganz klog.
Thronbesteigung heeß et Motto
met dem Helden Karneval.
Met dobei de kölsche Funke,
en rud wieß op jede Fall.
En der fünfte Johreszigg blöht Kölle op,
dem Hervs sing Färve weede
dann wie jeck getopp.
Heißer wie der Sommer’s unse Fasteleer,
selvs et Fröhjohr hät et em Verglich noch schwer.
Och der Winter mäht uns dobei gar nix us.
Nor met decke Saache gonn mer dann erus.
Am 11.11. op dem Aldermaat
geiht et loss, mer han lang drop gewaat.
Vun Künningsfeld wor Kommandant un
reef dä kölsche Funke zo:
„Alaaf, alaaf, ehr kölsche Junge,
endlich sid ehr widder do !
Woren se ens knatsch versunke,
durch üch sin se opgewaach,
ehr sid jetz de Kölsche Funke,
üch et Sönnche widder laach.“
Met dobei et Geckenbähndche,
Dat dät danze krütz un quer.
Hellige Knäächte, hellige Mägde
folgten im koot hingerher.
Dä etste Held Zanoli heeß,
woodt verihrt vun Ald un Jung.
Dät vill Freud un Mod verschenke.
Wor ’ne Prinz vun huh Fazung.
Hochdeutsche Fassung
Die fünfte Jahreszeit
In der fünften Jahreszeit blüht Köln auf.
Die fünfte Jahreszeit stellt alles auf den Kopf.
Das ist in Köln schon seit langem klar.
Das ging los vor fast zweihundert Jahren.
Das ist seitdem in Köln jedem klar,
darauf warten wir das ganze Jahr.
1823 ging der erste Maskenzug.
Ausgedacht hatte sich das Spielchen
Herr von Wittgenstein ganz klug.
Thronbesteigung hieß das Motto
mit dem Helden Karneval.
Mit dabei die kölschen Funken,
in rot-weiß auf jeden Fall.
In der fünften Jahreszeit blüht Köln auf,
die Farben des Herbstes werden
dann wie verrückt getoppt.
Heißer als der Sommer ist unser Karneval,
selbst das Frühjahr hat es im Vergleich noch schwer.
Auch der Winter macht uns dabei gar nichts aus.
Nur mit dicken Sachen gehen wir dann heraus.
Am 11.11. auf dem Altermarkt
geht es los, wir haben lange darauf gewartet.
Von Königsfeld war Kommandant und
rief den kölschen Funken zu:
„Alaaf, alaaf, ihr kölschen Jungen,
endlich seid ihr wieder da!
Waren sie mal völlig versunken,
durch euch sind sie aufgewacht,
ihr seid jetzt die Kölschen Funken,
euch das Sönnchen wieder lacht.“
Mit dabei das Jeckenberndchen,
Das tanzte kreuz und quer.
Heilige Knechte, heilige Mägde
folgten ihm kurz hinterher.
Der erste Held Zanoli hieß,
wurde verehrt von Alt und Jung.
Verschenkte viel Freude und Mut.
War ein Prinz von hoher Fasson.
Die hochdeutsche Fassung mit freundlicher Genehmigung der Akademie för uns kölsche Sproch