Kölsche Fassung
Do wore de Römer ens eets vun de SöckDe Römer marschierte bes an der Rhing.
De Germane funge dat nit esu fing.
Se däte nor bimse un kiele wie jeck.
Do wore de Römer ens eets vun de Söck.
Die Ubier gove dä Römer de Hand.
Doför krähte se vun denne jet Land.
Se baute dodrop uns Kölle ganz flöck.
Do wore de Römer ens eets vun de Söck.
Die Ubier hatten et schwer.
Dä Pak wor nit populär
Bei dä ander Germane,
Die däte ald plane
Der Fründschaff ze kumme noch quer.
Jo, se hatten et schwer.
Dä Pak wor nit populär.
Doch de Ubier mahte,
wat de Römer sahte.
Dat Ganze woodt fass familiär.
Die Ubier reefe öm Hölp bes noh Rom.
Dä Marcus Agrippa flöck aangeflitz kom.
Die Ubier holfe un bauten en Bröck.
Do wore de Römer ens eets vun de Söck.
Dä Marcus Agrippa braht endlich Rauh.
Hä leet Kölle baue noh sing Plän genau.
Se woodt Klein-Agrippa gedäuf dann ganz flöck.
Do wore de Römer ens eets vun de Söck.