Kölsche Fassung
Doch wat es dat?Jo, der kleine Jan nit met Mädcher spillt.
Nä, hä säht nor, die sin engebildt.
Mem Foßball geiht e dann flöck loss,
Un spillt met ander Junge op der Stroß.
Et kleine Griet su gään ens dät
Dä Ball ens tredde, doch et keiner lööt.
Et bliev allein am Stroßerand.
Saht selvs, dat es en wohre Schand!
Dat es allerhand! Allerhand.
Doch wat es dat? Dä Ball flüg wigg.
Ne Jung hät en de Luff gekick.
Genau dohin, wo et Griet grad steiht.
Dat tredd dä Ball un dä flüg dann wie en Raket.
Un die Junge stonn, luure sich bloß aan.
Nä, wat ene Schoss, do kütt keiner draan.
Dä geiht och noch direk en’t Tor.
„Tor“ dun die Junge rofe jetz em Chor.
Et Griet freut sich, springk en de Hüh.
Sing Angs vür denne Junge es foutu.
Et spillt jetz met, geiht en der Storm.
Dribbelt mem Ball, jo, dat es enorm!
Wat es dat god en Form! God en Form.