Kölsche Fassung
Do ming schöne Stadt am Rhing
Vun dir mi Kölle, ich su gään sing,
Wo ich aan zo levve fing.
Häs zweidausend Johr’ gesinn.
Verihr dich wie en Künnigin.-
Do ming schöne Stadt am Rhing,
Wo mi Hätz der Tak sich fing.
Sprichs en Sproch, die ich verstonn,
Di Gemöd wärmp wie de Sonn.
Do ming schöne Stadt am Rhing.
Röfs mich luuter bei dich hin.
Fispels mir dann en et Uhr
Ding Kölsche Tön en Moll un Dur.
Mäncher denk och,
Liebesleedcher üvver Kölle gitt et satt.
Doch ich sage,
Vill zo winnig - för su’n schöne Stadt.
Loß mer singe, Ständcher bränge
Op uns Heimat - ohne Engk.
För uns Siele deef em Hätze
Es et e Geschenk.
Hochdeutsche Fassung
Du meine schöne Stadt am Rhein
Von dir, mein Köln, singe ich so gern,
Wo ich anfing zu leben.
Hast zweitausend Jahre gesehen.
Verehre dich wie eine Königin.-
Du meine schöne Stadt am Rhein,
Wo sich mein Herz den Takt fing.
Sprichst eine Sprache, die ich verstehe,
Dein Gemüt wärmt wie die Sonne.
Du meine schöne Stadt am Rhein.
Rufst mich immer zu dir hin.
Flüsterst mir dann ins Ohr
Deine kölschen Töne in Moll und Dur.
Mancher denkt auch,
Liebesliedchen über Köln gäbe es satt.
Doch ich sage,
Viel zu wenig - für so eine schöne Stadt.
Lass uns singen, Ständchen bringen
Auf unsere Heimat - ohne Ende.
Für unsere Seelen tief im Herzen
Ist es ein Geschenk.
Die hochdeutsche Fassung mit freundlicher Genehmigung der Akademie för uns kölsche Sproch