Dun et Näsche en’t Gläsche

Wööd un Tön: Hans-Jürgen Jansen

Kölsche Fassung

Dun et Näsche en’t Gläsche

Ne junge Minsch es off verläge
Et fählt em och miest noch der Mod.
Hä deit sich beim Danz kaum bewäge.
Minge Fründ, nä, dat es nit god!
Do wells doch fruh un löstig sin,
Dann schenk der vürher Einen en!
Dun et Näsche en’t Gläsche
Un Stimmung es ald do.
Dun et Näsche en’t Gläsche
In dulci jubilo.

Un läufs de am Huhziggsdagsmorge
Em Huus ’röm ganz blaß un ganz fahl.
Un mäht der dat Hierode Sorge,
Leeve Fründ, dat es ganz normal!
Un es der bang vürm Traualtar,
Vürm Pastur un vürm Justitiar.
Dun et Näsche en’t Gläsche
Dann geiht et wunderbar.
Dun et Näsche en’t Gläsche,
Dann geiht et l’art pour l’art.

Su weed mer ganz langsam dann älder.
De Frau mäht dir Kraach off em Huus.
De Leev un de Ih weede kälder,
Do meins de, do hälds et nit us.
Dröm schenk der nor e Glas voll en.
Minge leeve Fründ, dann nix wie eren:
Dun et Näsche en’t Gläsche,
Dann geiht et flöck vörbei.
Dun et Näsche en’t Gläsche,
Au wei, dideldumdei.



Impressum
Kontakt