Kölsche Fassung
Kölsche Sproch
En mir han ich ’ne Schatz verwahrt.
Dä litt en mingem Hätz parat.
Hä woodt ganz deef doren gelaht.
Dat es die Sproch vun minger Aat.
Kölsche Sproch, weed niemols ungergonn,
Kölsche Kall kann ich su god verstonn.
Dat es en Sproch, die nie vergeiht,
Dat es dä Klaaf, noh däm et Hätz mer schleiht.
Sprech et leis, ganz höösch un fing,
Schmeck op der Zung wie junge Wing,
Röfs do et laut un ungeneet,
Ene jeder dann ganz flöck versteiht.
Ov am Stammdesch, ov beim Feste fiere,
schwaade se un dun sich nit geniere.
Op der Stroß, unger Minschemasse,
wann se laufe durch de Altstadtgasse.
Kölsche Sproch weed niemols unmodern.
Ich hür’ se immer üvverall su gään.
Kölsche Sproch de Minsche Freud deit maache.
Et es su schön, wann se vun Hätze laache.
En Kölsch dun se och Böcher schrieve.
De kölsche Deechter dun nit üvverdrieve.
Wann Kölsche ovends sich zesammesetze,
vergonn de Stunde flöck met kölsche Wetze.
Wann se tauche en Erennerunge,
manch Trönche läuf bei Aale un bei Junge.
Dann dun se sich der Köbes winke
un e lecker Kölsch genöglich drinke.
En mir han ich ’ne Schatz verwahrt.
Dä litt en mingem Hätz parat.
Hochdeutsche Fassung
Kölsche Sprache
In mir habe ich einen Schatz verwahrt.
Der liegt in meinem Herzen bereit.
Er wurde ganz tief hinein gelegt.
Das ist die Sprache meiner Art.
Kölsche Sprache wird niemals untergehen,
Kölsche Sprache kann ich so gut verstehen.
Das ist eine Sprache, die niemals vergeht,
Das ist die Mundart, nach der das Herz mir schlägt.
Sprich es leise, ganz ruhig und fein,
schmeckt auf der Zunge wie junger Wein,
Rufst du es laut und ungeniert,
Ein jeder dann ganz schnell versteht.
Ob am Stammtisch, ob beim Feste feiern,
reden sie und genieren sich nicht.
Auf der Straße, unter Menschenmassen,
wenn sie laufen durch die Altstadtgassen.
Kölsche Sprache wird niemals unmodern.
Ich höre sie immer überall so gerne.
Kölsche Sprache macht den Menschen Freude.
Es ist so schön, wenn sie von Herzen lachen.
In Kölsch schreiben sie auch Bücher.
Die kölschen Dichter übertreiben nicht.
Wenn Kölner abends zusammen sitzen,
vergehen die Stunden schnell mit kölschen Witzen.
Wenn sie tauchen in Erinnerungen,
manches Tränchen läuft bei Alten und bei Jungen.
Dann winken sie den Köbes sich
und trinken gemütlich ein leckeres Kölsch.
In mir habe ich einen Schatz verwahrt.
Der liegt in meinem Herzen bereit.
Die hochdeutsche Fassung mit freundlicher Genehmigung der Akademie för uns kölsche Sproch inkl. Änderungen durch den Autor.