Ludwig

Wööd un Tön: Hans-Jürgen Jansen

Kölsche Fassung

Ludwig

Wann der Ludwig, hee us Kölle
fängk aan, uns jet zo verzälle,
jo, dann spetze mer gään och uns Öhrcher
un luusche singe kölsche Histörcher.
Wann der Ludwig, hee us Kölle
fängk aan, uns jet zo verzälle,
jo, dann weed et uns wärm öm et Hätz
wann hä singk wie ’ne ech Kölsche Fetz.

Sigg Johre deit hä schrieve
un texe su manch fing kölsch Leed.
Hä deit sich dobei och treu blieve,
Strunz un Strigg allemolde hä meid.
Wann hä si „Kölsche Siel“ singk,
dann es dat kölsch Poesie.
E Liebesleed op Kölle am Rhing,
et klingk wie en kölsch Liturgie.

Uns Kölsche Sproch deit hä fläge,
uns kölsche Kultor fass em Senn.
Ganz Kölle es em wichtig deswäge,
för manche es hä och Mäzen.
„Och Verwandte, dat sin Minsche“, singk hä,
esu es sing Philosophie.
„Jet för ander Minsche dun“, su meint hä
dat wör doch en god Therapie.

„Loor ens vun Düx noh Kölle“
en der Fään woodt dat Leedche gemaht.
Der Ludwig hät op alle Fälle
uns domet en Stimmung gebraht.
Wann hä dann noch singk vom Kuschteiebaum,
föhlt jeder, et Levve es och hügg noch schön.
Un dat dat wohr es, un keine Draum,
dat hürt mer vum Ludwig sing Tön.

Ludwig Sebus, Jung us Kölle,
mer hüre dich su gään verzälle.
Jo, mer spetze dann flöck och uns Öhrcher
un luusche dinge kölsche Histörcher.
Ludwig Sebus, Jung us Kölle,
fang aan, uns jet zo verzälle!
Jo, dann weed et uns wärm öm et Hätz,
wann do sings wie ’ne esch kölsche Fetz.

Hochdeutsche Fassung

Ludwig

Wenn Ludwig hier aus Köln
anfängt uns etwas zu erzählen,
ja, dann spitzen wir gerne unsere Öhrchen
und lauschen seinen kölschen Histörchen.
Wenn der Ludwig hier aus Köln
anfängt uns etwas zu erzählen,
ja, dann wird es uns warm ums Herz
wenn er singt wie ein echter kölscher Junge.

Seit Jahren schreibt er
und textet so manches feine kölsche Lied.
Er bleibt sich dabei auch treu,
Angeberei und Streit meidet er allemale.
Wenn er seine "kölsche Seele" singt,
dann ist das kölsche Poesie.
Ein Liebeslied auf Köln am Rhein,
es klingt wie eine kölsche Liturgie.

Unsere kölsche Sprache pflegt er,
unsere kölsche Kultur fest im Sinn.
Ganz Köln ist ihm wichtig deswegen,
für manche ist er auch Mäzen.
"Och Verwandte, dat sin Minsche"1, singt er,
so ist seine Philosophie.
"Etwas für andere Menschen tun", so meint er,
das wäre doch eine gute Therapie.

"Luur ens vun Düx noh Kölle"1
in der Ferne wurde das Liedchen gemacht.
Ludwig hat auf alle Fälle
uns damit in Stimmung gebracht.
Wenn er dann noch vom Kastanienbaum singt,
fühlt jeder, das Leben ist auch heute noch schön.
Und dass das wahr ist und kein Traum,
das hört man durch Ludwigs Töne.

Ludwig Sebus, Junge aus Köln,
man hört dich so gerne erzählen.
Ja, wir spitzen dann schnell unsere Öhrchen
und lauschen deinen kölschen Histörchen.
Ludwig Sebus, Junge aus Köln,
fange an, uns etwas zu erzählen!
Ja, dann wird es uns war ums Herz,
wenn du singst wie ein echter kölscher Junge.

1. Liedertitel des Sängers Ludwig Sebus

Die hochdeutsche Fassung mit freundlicher Genehmigung der Akademie för uns kölsche Sproch inkl. Änderungen durch den Autor.


Impressum
Kontakt