Kölsche Fassung
Ööcher Stroß
Küss de vun Wess noh Kölle ren,
nemm de Ööcher Stroß et gitt vill zo sinn.
De Ööcher Stroß läuf fass gradus
un brängk dich direktemang noh Hus.
Ich rod dir minge Fründ,
luur och ens räächs un links.
De Ööcher Stroß fährs de erav,
jo, do bes de baff,
wann do ens ööntlich spinks.
Luur nor genau ens hin,
vill Plätz sin der bekannt.
Die sin der nit mih all em Senn,
dröm fahr ens hin
un hald ens aan am Stroßerand.
Links RTL, räächs Stadion,
em Stadtwald kanns de spazeere gonn.
Em Hervs sin de Blädder besonders bunt,
em Schwemmbad häs de dich gesonnt.
Och jo, un links do hät der Böll gewonnt.
Durch Müngersdorf noh Braunsfeld dann,
am Clarebachstiff geiht et entlang.
Der Maarweg links un räächs et Krankehuus.
Pass op, do kütt de Ambulanz erus.
Och jo, de DKV zahlt nix mih us.
Op Melote lige vill bekannte Lück.
Fahr nor höösch, söns liss do de ganz flöck.
Noh der Uni geiht et räächs eröm.
Och, et wör ganz schön, wann dinge Schatz
dich en der Ärm ens nöhm.
Nohm Hahnetor es et nit mih wigg,
doch nemm dir vürher e bessche Zigg.
Beim Millowitsch kauf der en Kaat
un maach dich ovends dann parat.
Och jo, jetz hät sich och gelohnt die Faht.
Hochdeutsche Fassung
Aachener Straße
Kommst du von Westen nach Köln hinein,
nimm die Aachener Straße, es gibt viel zu sehen.
Die Aachener Straße läuft fast geradeaus
und bringt dich direkt nach Hause.
Ich rate dir mein Freund,
schaue auch mal rechts und links.
Die Aachener Straße fährst du hinunter,
ja, da bist du baff,
wenn du mal ordentlich hinschaust.
Schaue nur mal genau hin,
viele Plätze sind dir bekannt.
Die sind dir nicht mehr alle im Sinn,
darum fahre mal hin
und halt mal an am Straßenrand.
Links RTL, rechts Stadion,
im Stadtwald kannst du spazieren gehen.
Im Herbst sind die Blätter besonders bunt,
im Schwimmbad hast du dich gesonnt.
Ach ja, und links da hat der Böll gewohnt.
Durch Müngersdorf nach Braunsfeld dann,
am Clarenbachstift geht es entlang.
Der Maarweg links und rechts das Krankenhaus.
Pass auf, da kommt die Ambulanz heraus.
Ach ja, die DKV zahlt nichts mehr aus.
Auf Melaten liegen viele bekannte Leute.
Fahr nur vorsichtig, sonst liegst du da ganz schnell.
Zur Uni geht es rechts herum.
Ach, es wäre ganz schön wenn dein Schatz
dich mal in den Arm nähme.
Zum Hahnentor ist es nicht mehr weit,
doch nimm dir vorher ein bisschen Zeit.
Beim Millowitsch kaufe dir eine Karte
und mache dich abends dann zurecht.
Ach ja, jetzt hat sich auch gelohnt die Fahrt.
Die hochdeutsche Fassung mit freundlicher Genehmigung der Akademie för uns kölsche Sproch inkl. Änderungen durch den Autor.