Kölsche Fassung
Quetschkommod
Wat wor dat doch e schön Geföhl,
wann ich dich soch et eetzte Mol.
Do häs geglänz un wors su köhl,
ich wor ganz weg un fung dich doll, jo, wundervoll.
Su hat ich mir dich vürgestallt,
ding Forme un ding Färvepraach.
Mir woodt dobei ganz heiß un kald,
ich weiß nit, wat ich noch met dir maach.
Wann do ganz noh mer bes,
probier ich dich ens us.
Ich pack dich och ganz fess,
mer sin doch hee zohus.
Et wore minge schönste Dräum.
Ich stallt et mir off vür.
Wann ich dich en ming Ärme nöhm,
köme mir nit durch de Dür, stell dir dat vür.
Do bes besonders laut un rau,
wann ich ganz düchtig an dir treck.
Do mähs dann schrecklich vill Radau,
un ich werf dich en de Eck.
Do kriss jetz dinge eige Plaatz,
dä es für dich tip-top.
Mer bruche för dich keine Aaz,
dich ze fläge’s minge Job, ich pass op dich op.
Ding Kläng maache mich jung un fruh.
Ich han se immer gään gehoot.
Ich üb op dir, do bes der Clou
un ming leeve Quetschkommod.
Hochdeutsche Fassung
Akkordeon
Was war das doch ein schönes Gefühl,
als ich dich sah das erste Mal.
Du hast geglänzt und warst so kühl,
ich war ganz weg und fand dich toll, ja, wundervoll.
So hatte ich mir dich vorgestellt,
deine Formen und deine Farbenpracht.
Mir wurde dabei ganz heiß und kalt,
ich weiß nicht, was ich noch mit dir mache.
Wenn du ganz nah mir bist,
probiere ich dich mal aus.
Ich packe dich auch ganz fest,
wir sind doch hier zu Hause.
Es waren meine schönsten Träume.
Ich stellte es mir oft vor.
Wenn ich dich in meine Arme nähme,
kämen wir nicht durch die Tür, stell dir das vor.
Du bist besonders laut und rau,
wenn ich ganz tüchtig an dir ziehe.
Du machst dann schrecklich viel Radau,
und ich werfe dich in die Ecke.
Du kriegst jetzt deinen eigenen Platz,
der ist für dich tip-top.
Wir brauchen für dich keinen Arzt,
dich zu pflegen ist mein Job, ich passe auf dich auf.
Deine Klänge machen mich jung und froh.
Ich habe sie immer gern gehört.
Ich übe auf dir, du bist der Clou
und mein liebes Akkordeon.
Die hochdeutsche Fassung mit freundlicher Genehmigung der Akademie för uns kölsche Sproch