Kölsche Fassung
Wann dä Sigi danzWann dä Sigi danz om Scheld,
Weede Merowinger weld.
Hä versök et met däm Franke Twiss
Hä bliev ’ne Optimiss.
Sing Eleganz es lang foutu,
Doch et es jo sing Debut
Ze danze met däm Hinkebein
Em neue Franke Danzverein.
Hä wor ’ne staatse Kommandeur.
Doch dann passeete dat Malheur:
De Alemanne goven im ’ne Knuuz.
Dä Sigi hät se weggeputz.
Singem Cousin us Paris -
Dat wor dä, dä Chlodwig heeß -
Däm dät e helfe met sing ganze Schwitt.
Dä Chlodwig woodt zom Konvertit.
Op en ganz gemeine Aat
Woodt hä späder ömgebraht.
Dat Hinkebein, dat maht en schwach.
Vörbei domet sing Künningsmaach.